O conselleiro de Política Social José Manuel Rey Varela visitou este martes a Asociación ASPAS. Neste encontro o conselleiro mantivo unha xuntanza de traballo coa Xunta Directiva da ASociación e puido coñecer as instalacións de ASPAS en San Marcos e as actividades que se realizan cada día nelas. 

 

Na reunión co conselleiro de Política Social, ASPAS trasladoulle diferentes inquedanzas e peticións relacionadas coa xestión de prazas nos centros, o sistema de copago ou a contratación de servizos. Pola súa banda, Rey Varela, anunciou a ampliación do número de prazas dispoñibles no Centro de Día (U.A.P.) das 18 actuais a 30. Ademais informou do traballo que está a facer a Xunta para a bonificación da Lei de Servizos Sociais para facilitar contratacións en entidades sen ánimo de lucro, ao tempo que asegurou que asociacións como ASPAS merecen máis apoio por parte das institucións.