Aspas remata o Camiño de Santiago 2019

O sábado 25 de maio os participantes da Asociación Aspas chegan á Praza do Obradoiro tras seis etapas da vía da prata.

Baixo o lema “ Camiñando Xuntos pola Inclusión Social” máis de 100 persoas da Asociación Aspas percorren os 112 quilómetros que distancia Ourense de Santiago de Compostela, repartidos en 6 etapas entre as fins de semana de abril e maio.

O sábado 25 de maio entramos na Praza do Obradoiro ao redor das 13,30 h do mediodía onde a alegria e a emoción de realizar o camiño un ano máis estaba patente en todos os participantes.

Realizada unha foto grupal para a posteridade, dirixímonos a celebrar o fin do camiño cunha comida nas carpas da Alameda onde gozamos dun bo polbo e churrasco.

Agora soamente quédanos esperar o seguinte camiño, cal será?

A asociación Aspas quere dar as grazas a todas as persoas que participaron nesta actividade, porque sen elas non sería posible, así como á empresa patrocinadora da actividade.

Moitas grazas

Voltar