O programa de Respiro Familiar segue adiante grazas ao apoio da Deputación da Coruña

Mediante a convocatoria do programa de subvencións a entidades sen fins de lucro para ou mantemento de programas e servizos en materia de servizos sociais no ano 2022 a Deputación da Coruña concede á asociación Aspas 10.725,40 euros para levar a cabo o programa de respiro familiar de fin de semana, festivos e/ou emerxencia familiar.

Con este proxecto búscase establecer un programa de estancia temporal para dar apoio ás familias na atención á persoa con discapacidade intelectual nos momentos de cansazo, tensión ou emerxencia. As xornadas de respiro están tuteladas por monitores que dan asistencia nas actividades da vida diaria, nas que tamén se promove a autonomía dos usuarios, o servizo desenvólvese en dúas vivendas das que dispón ASPAS no centro de Santiago de Compostela, cedidas polo Concello de Santiago

Grazas á colaboración da Deputación da Coruña é posible a continuidade deste programa un ano máis

Voltar