© Asociación ASPAS | 08/05/2017 | Quinta etapa: Arzúa-O Empalme 1

Máis de 100 persoas de ASPAS participan na quinta etapa do Camiño de Santiago

A asociación realizou este sábado a ruta de 15,5 quilómetros entre Arzúa e O Empalme. Nas próximas semanas completaranse as dúas últimas etapas desta actividade, que forma parte do programa de ASPAS para conmemorar o 50 Aniversario.

Máis de 100 persoas da Asociación ASPAS participaron este sábado na quinta etapa do Camiño de Santiago entre Arzúa e O Empalme. Na ruta, de 15,5 quilómetros, estiveron presentes usuarios, familiares, profesionais, voluntarios e amigos da entidade nunha agradable xornada de convivencia e compañeirismo.

Os camiñantes partiron cara o lugar de saída dende Santiago e iniciaron a marcha ás 10.00 horas. Nos primeiros quilómetros a choiva fixo acto de presenza, pero pouco despois as nubes deron paso aos claros e as temperaturas foron agradables ao longo de todo o día. Tras o encontro para a comida en Casa Boavista, retomouse o camiño e arredor das 17:00 horas produciuse a chegada a O Empalme.

Nas próximas semanas completaranse as dúas últimas etapas desta actividade, que forma parte do programa de ASPAS para conmemorar o seu 50 Aniversario.
 

Voltar