A asociación Aspas recibe con orgullo e satisfacción o galardón Galegos do ano, como afirma o presidente Marcelo Da Cruz "para nós, é un orgullo saber que o traballo, pero tamén a ilusión, dese grupo de pais que no ano 1967 xuntáronse e comezaron un camiño en busca de oportunidades para que os seus fillos con discapacidade intelectual tivesen unha mellor calidade de vida, deu o seu froito permitíndonos alcanzar algunhas das metas que se propuxeron.Tamén é un orgullo saber que a sociedade nos recoñece a través de distincións tan importantes como a do Grupo Correo Gallego".

 

O presidente da Xunta De Galicia, Alberto Núñez Feijóo, presidiu unha vez máis o acto de entrega dos premios: “Os Galegos do Ano son proba viva de que a nosa historia recente é un éxito”.