© Asociación ASPAS | 13/11/2017 | Estudantes de TAFAD visitando o ximnasio

Estudantes de TAFAD do IES Rosalía de Castro visitan ASPAS

Os alumnos e alumnas fixeron un percorrido polo centro e coñeceron as actividades deportivas que realizan os usuarios.

Estudantes do Ciclo de Grado Superior en Animación de Actividades Físicas e Deportivas (TAFAD) do IES Rosalía de Castro visitaron ASPAS este luns para coñecer o centro de San Marcos e o programa de deportes no que participan os usuarios da entidade.

O grupo de alumnos e alumnas comezaron a súa visita polos talleres de formación ocupacional e a Unidade de Atención Personalizada, onde usuarios e monitores explicaron as rutinas que seguen cada día. A continuación dirixíronse ao ximnasio, onde recibiron información sobre as diferentes actividades deportivas que se desenvolven cos usuarios da asociación. Por último, foron guiados polas vivendas comunitarias para coñecer este espazo.

Agradecemos a visita dos estudantes e agardamos que a experiencia lles sirva para completar a súa formación.
 

Voltar