Un ano máis a Asociación Aspas continúa coa actividade de percorrer os últimos 100 km do Camiño de Santiago, este ano o traxecto elixido foi o CAMIÑO POLA RÍA DE MUROS-NOIA.

 

O sábado13 de abril inaugúrase o camiño percorrendo a primeira etapa de MUROS-ESTEIRO. Nesta ocasión tivemos a gran sorte de contar coa colaboración de Montse París, da Asociación Auga e Sal, que nos acompaña nesta etapa e infórmanos da orixe do Camiño pola Ría de Muros Noia e da contorna.

 

Un grupo formado de 70 peregrinos, entre persoas con discapacidade intelectual, familiares, profesionais, persoas voluntarias, vecin@s, amig@s... compartiron charlas, risas, bromas e algúns que outros xogos de auga durante o 14 km que separan as localidades de Muros e Esteiro.