Noticias
Terceira etapa do camiño Santiago-Finisterre
A asociación realizou este sábado a ruta de 17 quilómetros entre a parroquia de Santa Mariña e Aldea de Hospital. Nas próximas semanas completaranse as dúas últimas etapas desta actividade.
07/05/2018
71 persoas da Asociación ASPAS participaron este sábado na terceira etapa do Camiño de Santiago entre a parroquia de Santa Mariña e Aldea de hospital. Na ruta, de 17 quilómetros, estiveron presentes usuarios, familiares, profesionais, voluntarios e amigos da entidade nunha agradable xornada de convivencia e compañeirismo.
Os camiñantes dirixíronse cara ao lugar de saída desde Santiago e iniciaron a marcha ás 10.30 horas. Nesta etapa o bo tempo acompañou durante todo o día. Tras o encontro para a comida na casa Loncho na parroquia de Olveiroa, retomouse o camiño e ao redor das 17:00 horas produciuse a chegada a Aldea de Hospital.
Arquivada en:
Infórmate > Noticias