Misión, visión e valores

Somos unha asociación de familias que nace co FIN de traballar pola mellora da  vida das persoas con discapacidade intelectual e as súas familias, conseguindo e facilitando os apoios necesarios para a defensa dos seus dereitos.

Unha organización sen fin de lucro que promove servizos con criterios de calidade, axustados ás necesidades das persoas  e que incrementen o seu grao persoal de benestar, autonomía e integración social.

Misión:

A nosa Misión é conseguir e facilitar os apoios necesarios para a defensa e mellora dos dereitos e da calidade de vida das persoas con discapacidade intelectual, e das súas familias, considerando a todas elas como xeradoras de dereitos e deberes.

Principios e Valores:

Consideramos que as persoas con discapacidade intelectual:

1. Son persoas que teñen dereitos.
2. Son iguais e merecen respecto á individualidade e á diferenza.
3. Teñen capacidades.

Sempre orientados polos principios de:

• integración social e de normalización,
• calidade na actuación da organización,
• interese pola globalidade do colectivo de persoas con discapacidade intelectual,
• promoción integral das mesmas.

Os nosos valores son:

• o traballo e a dedicación na defensa e mellora dos dereitos e calidade de vida das persoas con discapacidade intelectual e as súas familias,
• a democracia interna e a confianza,
• a transparencia e a honradez tanto na actuación como na xestión,
• e a solidariedade e o respecto entre todos.

Visión:

Buscamos responder ás necesidades das persoas con discapacidade intelectual, calquera que sexa o seu grao de afectación, idade ou sexo, e ás das súas familias.

Para as persoas con discapacidade intelectual:

• A súa promoción integral como persoa e unha formación permanente;
• A asistencia plena en todas as etapas do seu desenvolvemento para unha completa normalización.
• Cubrir as necesidades que xurden durante as etapas da súa vida creando centros para a formación ocupacional e servizos de emprego, servizos de vivenda e pisos tutelados, de lecer e tempo libre, servizos asistenciais e residenciais e centros de día.
• A integración no seu contorno familiar e social, así como no mundo laboral.
• Actuar en defensa dos dereitos e protección das persoas con discapacidade intelectual en todo momento e lugar.

Para o seu entorno, as familias e os traballadores:

• Información, orientación e apoio.
• Creación de servizos de asesoramento dirixidos a responder as necesidades do colectivo
• Celebración de cursos, conferencias, publicacións, e actividades que facilite  a formación e información dos pais, titores, voluntarios e profesionais relacionados coa discapacidade intelectual.

Para a sociedade:

• Fomentar a colaboración con outras asociacións de fins análogos para o logro dos mesmos.
• Apelar á solidariedade social para contar coa colaboración e compresión da cidadanía e do voluntariado.
• Mentalizar á sociedade para conseguir un cambio de actitudes positivo de cara a integración e a normalización social das persoas con discapacidade intelectual.
• Reivindicar comportamentos e normas que promovan a dignidade e a debida atención ás persoas con discapacidade intelectual, así como denunciar todas aquelas accións que atenten contra ela ou os seus dereitos.

      Imprimir