ASOCIACIÓN ASPAS

A Asociación de Pais de Persoas con Discapacidade Intelectual de Santiago, ASOCIACIÓN ASPAS, é unha organización con entidade xurídica propia, sen fin de lucro, declarada de Utilidade Pública por O.M. o 2 de Xullo de 1976 e galardoada coa Medalla de Prata da Cidade de Santiago ao Mérito Cidadán en 1991.

Nace co FIN de traballar pola mellora da calidade de vida das persoas con discapacidade intelectual e as súas familias e dende a súa constitución, o 27 de Marzo de 1967, presta servizos a cidadáns de Santiago de Compostela e a súa comarca así como a persoas de diferentes concellos das provincias da Coruña e Pontevedra.